බුදු පිළිමයට නිගා කල සුද්දියන්ට සිර දඩුවම්

අශෝභන ඉරියව්වකින් බුදු පිළිමයක් ඉදිරිපිට සිට ඡයාරූප ගත් ප‍්‍රංශ ජාතිකයන් තිදෙනෙකුට බරපතල වැඩ සහිතව මාස 6 ක සිර දඩුවම්, වසර 5 ක් දක්වා අත්හිටුවමින් නියම කිරීමට අධිකරණය කි‍්‍රයා කරන ලදි.
මෙසේ දඩුවම් නියම කරුනේ ශී‍්‍ර ලංකාවේ සංචාරයකට පැමිණි ප‍්‍රංශ ජාතික කාන්තාවන් දෙදෙනෙකු සහ පිරිමියෙකුගෙන් සමන්විත කන්ඩායමකටය.
සංචාරක කන්ඩායම විසින් ගත් ඡයාරූප කිහිපයක් ගාල්ල ප‍්‍රදේශයේ පිහිටි වර්ණ සංයෝජන මධ්‍යස්ථානයකින් මුද්‍රණය කර ගැනීමට පැමිණි අවස්ථාවේදී එම ඡයාරූප එකතුව තුල තිබූ ඔවුන් විසින් බුද්ධ ප‍්‍රතිමාවක් සිප ගන්නා ඡයාරුප කිහිපයක් නිරීක්ෂණය කල වර්ණ සංයෝජන මධ්‍යස්ථානයේ හිමිකරු ඒ  පිළිබදව පොලීසියට දන්වා ඇති අතර එම පිරිස අත්අඩංගුවට පත්වීමෙන් පසුව අධිකරණයට ඉදිරිපත් කල බව පොලිස් ආරංචිමාර්ග පවසයි.

col 3,col3 neg,col3neg,col3 original,col3neg