කටුගෙයි සොරකමේ මහමොලකරු හඳුනාගැනේ

- කොළඹ ජාතික කෞතුකාගාරයේ සිදුවූ සොරකමෙහි ප‍්‍රධාන සැකකරු පොලීසිය විසින් හඳුනාගෙන ඇත.

  ලංසගේ ප‍්‍රියන්ත මෙන්ඩිස් නැමති මෙම ප‍්‍රධාන සැකකරු පිළිබඳ නිවැරදි තොරතුරක් ලබාදෙන්නෙකුට රුපියල් ලක්ෂ 5ක ත්‍යාගයක් පිරිනමන බව රාජ්‍ය ආරක්‍ෂක අමාත්‍යාංශය පවසයි.

ඔහු පිළිබදව කිසියම් තොරතුරක් වෙත්නම් 011 244 11 47 හෝ 077 77 55 950 දුරකථන අංකවලින් බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පතිවරයාට දැනුම් දිය හැක. නැතහොත් 011 266 23 23 හෝ 071 777 44 00 යන දුරකථන අංකවලින් කොළඹ අපරාධ කොට්ඨාසයේ අධ්‍යක්‍ෂවරයාටද, 011 266 23 11 හෝ  071 40 60 906 යන දුරකථන අංකවලින් කොළඹ  අපරාධ කොට්ඨාසයේ ස්ථානාධිපතිවරයාටද දැනුම්දිය හැකි බව රාජ්‍ය ආරක්‍ෂක අමාත්‍යාංශය පවසයි.

තොරතුර ලබාගැනීම සදහා කොළඹ අපරාධ කොට්ඨාසයේ 011 268 51 51 යන දුරකථන අංකයද විවෘතව පවතී.

ජාතික කෞතුකාගාරයේ තිබූ ඉපැරණි කඩුවක් ඇතුලූ කෞතුක භාණ්ඩ කිහිපයක් පසුගිය මාර්තු මස 16 වැනි රාත‍්‍රියේ සොරාගනු ලැබිය.  පසුව පොලීසිය විසින් ඒ සම්බන්ධයෙන්  පුද්ගලයින් 58 දෙනෙකුගෙන් ප‍්‍රකාශ සටහන් කර ගෙන තිබිණ.

මීට අමතරව කෞතුකාගාරයේ කැමරා පද්ධතීන් පරීක්ෂන සිදුකිරීම සඳහා කොළඹ විශ්වවිද්‍යාලයට ද යොමු කර තිබිණ